भुसावळ : प्रतिनिधी
शहरातील दीनदयाळ नगर भागामध्ये लोखंडी तलवार घेऊन दहशत निर्माण करणाऱ्या एका तरुणाला भुसावळ बाजारपेठ पोलिसांनी शुक्रवारी दुपारी दीड वाजता अटक केली. याप्रकरणी गुन्हा दाखल करण्यात आला आहे.
मिळालेल्या माहितीनुसार, भुसावळ शहरातील कान्हाळा रोड हेमंत जगदीश पैठणकर असे अटक केलेल्या संशयित आरोपीचे नाव आहे. शहरातील नगर परिसरामध्ये संशयित आरोपी हेमंत पैठणकर हा हातामध्ये तलवार घेऊन दहशत निर्माण करत असल्याची गोपनीय माहिती भुसावळ बाजारपेठचे पोलिस निरीक्षक गजानन पडघम यांना मिळाली. त्यानुसार त्यांनी पथकाला कारवाई करण्याच्या सूचना दिल्या, शुक्रवारी हेमंत पैठणकर यास ताब्यात घेतले. याप्रकरणी पो.कॉ. प्रशांत सोनार यांनी दिलेल्या फिर्यादीवरून बाजारपेठ पोलिस ठाण्यात गुन्हा दाखल करण्यात आला आहे. तपास पो.हे.कॉ. उमाकांत पाटील करीत आहेत.
