भुसावळ : प्रतिनिधी
शहरातील पांडुरंग टॉकीजच्या मागील बाजूस असलेल्या दगडी पुलाजवळ एकास दोन गावठी पिस्तूल व एका जिवंत काडतूससह बाजारपेठ पोलिसांनी बुधवारी पकडले.
मिळालेल्या माहितीनुसार, या इसमाची माहिती मिळाल्यावरून पो. नि. गजानन पडघन यांच्या सूचनेवरुन पो. उ.नि. राजू विष्णू सांगळे, पोहेकों, नीलेश बाबुलाल चौधरी, पो. कॉ. प्रशांत परदेशी व प्रशांत सोनार यांनी त्याचा शोध घेत त्यास ताब्यात घेतले. देवानंद विकास कोळी (२०, रा. तुकाराम नगर, पाडळसा ता. यावल) असे या आरोपीचे नाव आहे. त्याच्याकडे प्रत्येकी २० हजार रुपये किमतीच्या दोन लोखंडी गावठी पिस्तूल जप्त केल्या. याचबरोबर एक जिवंत काडतूस तसेच मोबाइल, मोटारसायकलही जप्त केली. भुसावळ बाजारपेठ पोलिस स्टेशनला गुन्हा दाखल करण्यात आला आहे.
