जळगाव : प्रतिनिधी
सुरत रेल्वे गेटपुढील मालधक्क्यावर माल उतरविल्यानंतर रेल्वेच्या बोगीवर राहिलेली चप्पल घेण्यासाठी गेलेल्या हमालाचा हाय व्होल्टेज तारांना स्पर्श झाल्याने मृत्यू झाला. गुरुवारी दुपारी ३:३० वाजता ही दुर्घटना घडली. रेल्वे पोलिसांकडे नोंद करण्यात आली आहे.
मिळालेल्या माहितीनुसार, गुरुवारी दुपारी १२:३० वाजता रेल्वेच्या मालधक्क्यावर संतोष रामू कुमार (वय ४५) हा मजूर खतांचा माल उतरविण्याचे काम पूर्ण झाल्यानंतर रेल्वेच्या बोगीवर चप्पल राहिल्याचे लक्षात आल्याने संतोष कुमार बोगीवर चढले. मात्र, उतरत असताना त्यांचा रेल्वेच्या हाय व्होल्टेज तारेला स्पर्श होऊन जागेवरच मृत्यू झाला. रेल्वे पोलिसांनी घटनास्थळी पंचनामा केला.
