जळगाव : प्रतिनिधी
रेल्वे स्थानकाजवळ अप रेल्वे मार्गावर भुसावळ-सुरत मेमो या धावत्या रेल्वेचा धक्का लागल्याने एक अनोळखी तरुण ठार झाला. ही घटना सोमवार, ८ जानेवारी रोजी रात्री ११ वाजता घडली, या प्रकरणी जळगाव लोहमार्ग पोलिस ठाण्यात अकस्मात मृत्यूची नोंद करण्यात आली आहे.
जळगाव रेल्वेस्थानक जवळील रेल्वे खंब्बा नंबर ३०५ जवळ अपलाइन वरील रेल्वे रुळावरून भुसावळ ते उधना मेमो रेल्वे जात असताना तिचा धक्का लागल्याने अंदाजे ३५ वर्षीय अनोळखी तरुण ठार झाला. घटनेची माहिती मिळाल्यानंतर लोहमार्ग विभागाच्या पोलिस कर्मचाऱ्यांनी पंचनामा करून मृतदेह शासकीय वैद्यकीय महाविद्यालय व रुग्णालयात नेला. लोहमार्ग पोलिसात अकस्मात मृत्यूची नोंद करण्यात आली आहे.
