मुंबई : वृत्तसंस्था
मोबाइलमध्ये व्हिडीओ पाहत असताना अंगावर शिंकला म्हणून अल्पवयीन मुलाने अल्पवयीन मुलाच्या चेहऱ्यावर सॅनिटायझर फेकून पेटवून दिल्याची धक्कादायक घटना अंधेरी येथे घडली. यामध्ये मुलाचा चेहरा विद्रूप झाला असून, त्याला कूपर रुग्णालयात दाखल करण्यात आले आहे.
मिळालेल्या माहितीनुसार, २६ डिसेंबर रोजी सायंकाळी, हुसैनउमेर सोलंकी हा मित्र जुबैनबरोबर मोबाइलमध्ये व्हिडीओ बघत असताना, तेथे ओळखीचा १६ वर्षीय अल्पवयीन मुलगा आला. व्हिडीओ बघत असताना हुसेनला शिंक आली. तो अल्पवयीन मुलाच्या दिशेने शिंकला. अंगावर शिंकल्याच्या रागात तो घरी जाऊन शर्ट बदलून आला. खिशातील सॅनिटायझर हुसैनच्या अंगावर टाकले व लायटरने आग लावली. त्यात त्याचा चेहरा भाजला. अन्य मित्रांनी आग विझवली. घरी आणल्यानंतर त्याला तत्काळ जवळच्या रुग्णालयात दाखल केले.
