चेअरमन पदी मुकेश गवंदे तर व्हा चेअरमन पदी रवींद्र वरपे यांची निवड
लाईव्ह महाराष्ट्र न्यूज: दापोरा येथील दापोरे दुध उत्पादक सहकारी संस्थेची सन २०२१/२०२६ साठी पंचवार्षिक निवडणूक सहकार विभागाकडून घेण्यात आली. सर्व संचालक मंडळ यांची बिनविरोध निवड झाली. या संस्थेच्या चेअरमन व व्हा चेअरमन पदी एक एक अर्ज आल्याने बिनविरोध निवड झाली.
सहकार विभागाकडून चेअरमन व व्हा चेअरमन पदासाठी सहकार अधिकारी वासुदेव पाटील यांच्या उपस्थित निवडणूक प्रक्रिया पार पडली चेअरमन पदासाठी मुकेश नाना गवंदे व व्हा चेअरमन पदासाठी रवींद्र कृष्णा वरपे यांचे एकमेव अर्ज आल्याने निवडणूक निर्णय अधिकारी यांनी बिनविरोध निवड झाल्याचे जाहीर केले.
यावेळी संचालक रवींद्र वसंत काळे, दशरथ भिमराव तांदळे, सोपान लक्ष्मण काळे, भावना समाधान निकुंभ, अनिल भानुदास तांदळे, समाधान गंगाराम तांदळे, साहेबराव महादू पांनगळे, प्रफुल्ल विलास जाधव, आकाश भिमराव वाणी, विजय दिलीप सोनवणे आदी संचालक उपस्थित होते. नवनिर्वाचित चेअरमन व व्हा चेअरमन यांचा सत्कार करण्यात आला.निवडणुक निर्णय अधिकारी म्हणून वासुदेव पाटील यांनी काम पाहिले व संस्थेचे सचिव समाधान निकुंभ यांनी मदत केली.
