धरणगाव : प्रतिनिधी
जळगाव जिल्ह्यतील अनेक ग्रामीण भागात सध्या निवडणुकीचे वेध लागले आहे तर धरणगाव शहर परिसरात असलेल्या डॉ.हेडगेवार नगर ग्रामपंचायतीमध्ये देखील निवडणुकीची धामधूम सुरु आहे. या निवडणुकीत प्रभाग क्र. २ मध्ये चांगलीच रस्सीखेच असतांना येथील चंदन दिलीपराव पाटील यांना उमेदवार मोहित प्रकाश पवार यांनी जाहीर पाठिंबा दिल्याने निवडणुकीचे आता चित्र बदलू शकते.
मिळालेल्या माहितीनुसार, धरणगाव शहर परिसरात असलेल्या डॉ. हेडगेवार नगर ग्रामपंचायत निवडणूक प्रक्रिया सुरु झाली असून माघारीच्या दिवशी वेळ संपल्याने प्रभाग क्र. २ मधील उमेदवार मोहित प्रकाश यांनी चंदन पाटील यांनी आज राष्ट्रवादी काँग्रेस पक्षाचे जिल्हाध्यक्ष संजय पवार यांच्या उपस्थितीत जाहीर पाठींबा दिला. यावेळी भीमराज पाटील,अॅड.शरद माळी, भूपेंद्र पाटील, नामदेव मराठे, दिनेश भदाणे यांच्यासह आदी उपस्थित होते.
