भुसावळ : प्रतिनिधी
तालुक्यात दोन गावठी पिस्टलसह जिवंत काडतूस व दोन चॉपर बाळगणार्या व विक्री करणार्या साकेगावातील दोघांसह भुसावळातील एकाच्या मुसक्या बांधल्या आहेत. भुसावळ पोलीस उपअधीक्षक सोमनाथ वाघचौरे यांच्या नेतृत्वाखालील पथकाने गोपनीय माहितीच्या आधारे या कारवाईने गुन्हेगारी वर्तुळात खळबळ उडाली आहे. ही कारवाई बुधवारी रात्री उशिरा करण्यात आली.
साकेगावातील संशयित आरोपी शाहरूख राजू पटेल (वय २५) व विकास पांडुरंग लोहार (वय ३०) व जयसिंग उर्फ सोनू रायसिंग पंडित (वय २६) अशी अटकेतील संशयित आरोपींची नावे आहेत. ही कारवाई जळगाव पोलीस अधीक्षक एम.राजकुमार, अपर पोलीस अधीक्षक चंद्रकांत गवळी, पोलीस उपअधीक्षक सोमनाथ वाघचौरे यांच्या मार्गदर्शनाखाली विशेष पथकातील हवालदार सुरज पाटील, हवालदार रमण सुरळकर, नाईक यासीन पिंजारी आदींच्या पथकाने केली.
