धरणगाव : प्रतिनिधी
धुळे येथील कॅम्ब्रिज स्कूलमध्ये धरणगाव तहसीलदार नितीनकुमार देवरे यांची सुपुत्री कु.सर्वज्ञा नितीनकुमार देवरे हिस शालेय फोटोग्राफी स्पर्धेमध्ये उत्कृष्ट वेशभूषा व पोज यासाठी प्रथम पुरस्कार रुपये अकरा हजाराचा धनादेश व प्रशस्तीपत्र देऊन गौरविण्यात आले.
सदर प्रशस्तीपत्र शाळेचे अध्यक्ष महेंद्र विसपुते,भारतीय धावपटू व धुळे येथील रहिवासी योगेश्वरी मिस्त्री व मान्यवरांच्या हस्ते कु.सर्वज्ञा हिला देण्यात आले.शाळेच्या स्नेहसंमेलनानिमित्त उपस्थित पालक व शिक्षकांच्या उपस्थितीत हा कार्यक्रम घेण्यात आला.सर्वज्ञा चे कौतुक करण्यासाठी आजोबा राजाराम देवरे,आजी सिंधुबाई देवरे,वडील नितीनकुमार देवरे,आई निकिता देवरे व भाऊ सौनित देवरे हजर होते. सदर पुरस्कारासोबतच सर्वज्ञाला उत्कृष्ट फॅन्सी ड्रेस स्पर्धेत ही द्वितीय पारितोषिक मिळाले या यशासाठी सर्वज्ञाचे सर्वत्र कौतुक होत आहे.
