जळगाव : प्रतिनिधी
छत्तीसगडहून नाशिककडे जाणाऱ्या ट्रकमधून ७० लाख रुपये किंमतीचा ५०० किलो गांजा जप्त करण्यात आला. भुसावळ शहराजवळील महामार्गावरील नवोदय उड्डाणपुलाखाली शुक्रवारी पहाटे ही धडक कारवाई करण्यात आली. इलेक्ट्रीक साहित्यखाली हा गांजा लपविण्यात आला होता. वाहनावरील चालक मात्र फरार झाला आहे. गुरुवारी मध्यरात्री छत्तीसगडयेथून येणाऱ्या ट्रकमध्ये गांजा असल्याची माहिती पोलिसांना मिळाली होती. रात्री नवोदय विद्यालयाच्या उड्डाणपुलाखाली एक ट्रक थांबलेला आढळून आला.
दोन तास होऊनही वाहनाजवळ कुणीही न आल्याने पोलिसांनी वाहन ताब्यात घेतले आणि उपविभागीय पोलीस अधिकारी कार्यालयात आणण्यात आले. तिथे तपासणी केली असता वाहनात गांजा आढळून आला. इलेक्ट्रिकच्या साहित्याखाली ५०० किलो गांजा गोण्यामध्ये ठेवलेला आढळून आला.
डीवायएसपी सोमनाथ वाघचौरे यांच्या मार्गदर्शनाखाली स्थानिक गुन्हे शाखेचे पोलीस निरीक्षक किसन नजन पाटील, पीएसआय अमोल देवळे, गणेश चौबे, एएसआय अनिल जाधव, हेकॉ सुनील दामोदर, कमलाकर बागुल, वासुदेव मराठे, अनिल देशमुख, दीपक पाटील, रणजीत जाधव, प्रमोद लाडवंजारी, कृष्णा देशमुख, मुरलीधर बारी, किरण धनगर, प्रमोद ठाकूर, मधुलाल चौधरी, एएसआय युनुस शेख, महेश महाजन, ईश्वर पाटील, बाजारपेठचे निरीक्षक राहुल गायकवाड, तुषार पाटील यांनी ही कारवाई
