छत्रपती शिवाजीनगरातील विविध समस्येसाठी आज जळगाव शहर महानगर पालिकेच्या परिसरात आज येथील नागरिक एकत्र येत नगरसेवकासह प्रशासनाला धारेवर धरले आहे. त्यांनी त्यांच्या समस्येचे निवेदन सुद्धा मनपा प्रशासनाला दिले आहे. यावेळी नागरिक चांगलेच आक्रमक झाल्याचे दिसून आले होते. या ठिकाणी महिलांची प्रामुख्याने उपस्थिती होती.
निवेदनात म्हटले आहे कि, शहरातील छत्रपती शिवाजीनगर टी आकाराचा पूल तातडीने पूर्ण करावा, प्रस्तावित ब्राह्मण सभा समोरील बोगद्याचे काम लवकरात लवकर सुरू करावे., छ. शिवाजी महाराजांच्या पुतळ्याचे काम तातडीने पूर्ण करावे. , संपूर्ण छत्रपती शिवाजी नगर मधील स्वच्छतेचा प्रश्न निकाली काढणे बाबत , शिवाजीनगर मधील रस्त्यांचे काम लवकरात लवकर पूर्ण करा यासह छ. शिवाजीनगर मध्ये विविध समस्यांनी थैमान मांडले असून कृपया वरील समस्या लवकरात लवकर सोडवण्यात याव्यात ही आम्हा सर्व नागरिकांकडून आपणास नम्र विनंती अन्यथा यापेक्षा तीव्र स्वरुपाचे आंदोलन उभारण्यात येईल व यास प्रशासन जबाबदार असेल याची नोंद घ्यावी.
या निवेदनावर विजय राठोड, जहागीर खान, योगिता शुक्ल, अकबर काकर, शारदा भावसार, दिलीप कोष्टी, संगीता बडगुजर, पूजा येवले, गीता फडके, दुर्गा मराठे, रंजना वाणी, कमल चंदनकर, प्रमिला चौधरी यांच्यासह परिसरातील नागरिकांच्या स्वाक्षरी आहे.
