धरणगाव : प्रतिनिधी
तालुक्यातील एका खेडेगावात दारूच्या नशेत दिराने आपल्या वहिनीचा विनयभंग केल्याची धक्कादायक घटना घडली आहे. या प्रकरणी धरणगाव पोलिसात पीडित महिलेने दिलेल्या तक्रारीवरून दोघांविरोधात गुन्हा दाखल करण्यात आला आहे. पीडित महिलेने या आधी एका प्रकरणात दोन्ही दिरांविरोधात पोलिस तक्रार केली होती. ती तक्रार मागे घेण्यासाठी दोघांनीही तिला धमकी दिली आणि विनयभंग केला.
पीडित महिलेने आपल्या दोन्ही दिरांविरुद्ध यापूर्वी पोलिसात तक्रार दिली होती. याचा राग मनात धरून काही दिवसांपूर्वी मध्यरात्री १ वाजण्याच्या सुमारास दारूच्या नशेत घरात प्रवेश केला आणि तक्रार मागे घेण्याची धमकी दिली, तसेच मुलीचे अपहरण करण्याची धमकीही दिली. त्यानंतर काही दिवसांनी पुन्हा पहाटेच्या सुमारास दुसऱ्या दिराने महिलेला लज्जा वाटेल, असे कृत्य केले. ही बाब मुलीने पाहताच तो पळून गेला. त्यानंतर, महिलेने पोलिस ठाण्यात तक्रार दिली. पुढील तपास पो.हे.कॉ. उमेश भालेराव हे करीत आहेत.
