जळगाव : प्रतिनिधी
मुंबई येथील प्रसिद्ध लालबागच्या राजाचे दर्शन घेण्यासाठी गेलेल्या जळगाव येथील २५ वर्षीय युवकाचा उपचारादरम्यान मृत्यू झाल्याची दुःखद घटना घडली.
मिळालेल्या माहितीनुसार, शहरातील शिरसोली रोड परिसरातील जीवनमोती सोसायटी येथील रहिवासी जयदीप मेघराज नेमाडे (वय २५) असे मयत युवकाचे नाव आहे. जयदीप नेमाडे हा लालबागच्या राजाच्या दर्शनासाठी मुंबई येथे गेला होता. दर्शनासाठी गेल्यानंतर त्याला अचानक अस्वस्थ वाटू लागले. त्यावेळी तेथील पोलिसांनी तत्परता दाखवत त्याला उपचारासाठी दवाखान्यात दाखल केले. मात्र, उपचार सुरू असताना गुरुवार, दि. १७सप्टेंबर रोजी रात्री ११.४० वाजता त्याचा मृत्यू झाला. या घटनेमुळे नेमाडे कुटुंबीयांवर दुःखाचा डोंगर कोसळला असून, परिसरात हळहळ व्यक्त होत आहे.
