जळगाव : प्रतिनिधी
कारमधून आलेल्या चोरट्यांनी दुकानाचे शटरच्या कुलूप तोडून मेडीकलसह हार्डवेअरच्या दुकानातून रोकडसह सीसीटीव्ही कॅमेऱ्यांचा डिव्हीआर असा एकूण १२ हजारांचा ऐवज चोरुन नेला. ही घटना मंगळवारी पहाटे पावणेपाच वाजेच्या सुमारास उघडकीस आली. नागरिकांसह पोलिसांनी चोरट्यांचा कारचा पाठलाग केला. मात्र चोरटे त्यांना गुंगारा देत पसार झाले. याप्रकरणी शनिपेठ पोलिसात गुन्हा दाखल करण्यात आला आहे.
मिळालेल्या माहितीनुसार, शहरातील भिलपुरा पोलीस चौकीसमोर दिलीप अनंत वाणी यांचे पद्मालय मेडीकल नावाचे दुकान आहे. मंगळवारी पहाटे पावणेपाच वाजेच्या सुमारास एका लाल रंगाच्या कारमधून तीन चोरटे त्यांच्या दुकानासमोर आले. त्या चोरट्यांनी दुकानाच्या शटरच्या पट्टया कापून शटर उचकावून आत शिरले. त्यांनी दुकानाच्या गल्ल्यात ठेवलेली पाच हजारांची रोकडसह आईस्क्रीम व शितपेयाच्या बॉटल्स असा ऐवज चोरुन नेला. मेडीकलमध्ये चोरीकेल्यानंतर चोरटे असोदा रोडवरील श्रीराम चौकात आले. त्यांनी भुषण हुकुमचंद छाजेड (रा. बहिणाबाई कॉलनी) यांच्या मालकीच्या पुर्णा हार्डवेअरच्या दुकानाचे शटर तोडून गल्ल्यातून ५ हजारांची रोकड लंपास केली. त्यानंतर चोरटे असोदा रेल्वे उड्डाणपुलारुन असोदा गावाच्या दिशेने पसार झाले. मेडीकलमध्ये चोरी केल्यानंतर चोरटे पळून जात असतांना हा प्रकार परिसरातील नागरिकांच्या लक्षात आला. त्यांनी घटनेची माहिती लागलीच एमआयडीसी पोलिसांना दिली. त्यानुसार पोलीसांसह नागरिकांनी चोरट्यांच्या कारचा पाठलाग केला. मात्र चोरटे पोलिसांना चकवा देत पसार झाले
