अमळनेर : प्रतिनिधी
तालुक्यातील एका गावात १८ वर्षीय तरुणी एकटी असताना घरात घुसून तिचा विनयभंग केल्याची धक्कादायक घटना घडली आहे. याप्रकरणी धीरज अनिल पाटील याच्याविरुद्ध गुन्हा दाखल करण्यात आला आहे.
मिळालेल्या माहितीनुसार, दि. २० रोजी रात्री सुमारे १० वाजता तरुणी घरात एकटी असताना धीरज अनिल पाटील हा घरात घुसला. त्याने तरुणीचे तोंड दाबून शिवीगाळ केली. तसेच आरडाओरड केल्यास जिवंत ठेवणार नाही, अशी धमकी दिली. त्यावेळी त्याने तिचा विनयभंग केला.
घटनेनंतर तरुणीने आरडाओरड केल्यावर परिसरातील नागरिक घटनास्थळी धावून आले. त्यावेळी आरोपी घरातच आढळून आला. यानंतर तरुणीने दिलेल्या फिर्यादीवरून त्याच्याविरुद्ध विनयभंगाचा गुन्हा दाखल करण्यात आला आहे. तपास हे. कॉ. शरीफ पठाण करीत आहेत.
