जळगाव : प्रतिनिधी
महानगरपालिका निवडणुकीच्या रणधुमाळीत प्रभाग क्रमांक ०३ (ब) मध्ये राजकीय वातावरण चांगलेच तापले असून, अनुसूचित जमाती महिला राखीव गटातील उमेदवार सौ. चैताली राहुल (मोगली बाबा) ठाकरे यांच्या प्रचाराने मोठी गती घेतली आहे. ‘बॅट’ हे निवडणूक चिन्ह घेऊन मैदानात उतरलेल्या चैताली ठाकरे यांनी प्रभागातील घराघरांत पोहोचून मतदारांशी संवाद साधण्यास सुरुवात केली असून, त्यांना नागरिकांचा, विशेषतः तरुणांचा मोठा पाठिंबा मिळत आहे.
’मोगली बाबां’च्या जनसंपर्काचा फायदा
प्रभागात ‘मोगली बाबा’ म्हणून परिचित असलेले राहुल ठाकरे यांच्या दांडग्या जनसंपर्काचा फायदा सौ. चैताली ठाकरे यांना होताना दिसत आहे. गेल्या अनेक वर्षांपासून या कुटुंबाने सामाजिक कार्यात घेतलेला पुढाकार आणि स्थानिकांशी असलेले जिव्हाळ्याचे संबंध यामुळे मतदारांमध्ये त्यांच्याबद्दल विश्वासाचे वातावरण आहे. “प्रभागाचा कायापालट करण्यासाठी आणि महिलांचे प्रश्न मार्गी लावण्यासाठी आम्ही कटिबद्ध आहोत,” असे आश्वासन यावेळी उमेदवाराकडून दिले जात आहे.
विकासाचे व्हिजन आणि ‘बॅट’ची चर्चा
चैताली ठाकरे यांनी आपल्या प्रचारात प्रामुख्याने प्रभागातील आरोग्य, स्वच्छता आणि महिलांचे सक्षमीकरण या मुद्द्यांवर भर दिला आहे. ‘बॅट’ हे चिन्ह लोकांच्या लक्षात राहणे सोपे असल्याने आणि प्रचारात असलेल्या कल्पकतेमुळे लहान मुलांपासून थोरामोठ्यांपर्यंत सर्वांच्या मुखात सध्या ‘बॅट’ चिन्हाचीच चर्चा आहे.
विजयी करण्याचे आवाहन
”प्रभाग ३ च्या सर्वांगीण प्रगतीसाठी आणि पारदर्शक कारभारासाठी मला आपली सेवा करण्याची संधी द्या. अ.क्र. ३ समोरील ‘बॅट’ या चिन्हावर आपले अमूल्य मत देऊन मला प्रचंड बहुमताने विजयी करा,” असे भावनिक आवाहन सौ. चैताली राहुल ठाकरे यांनी मतदारांना केले आहे.
मतदान कधी आणि कुठे?
प्रभागाच्या भवितव्याचा फैसला येत्या गुरुवार, १५ जानेवारी २०२६ रोजी होणार आहे. सकाळी ०७:३० ते सायंकाळी ०५:३० या वेळेत मतदान पार पडणार असून, मतदारांनी मोठ्या संख्येने बाहेर पडून आपला मतदानाचा हक्क बजवावा, असे आवाहन कार्यकर्त्यांकडून करण्यात येत आहे
