जळगाव : प्रतिनिधी
नेहमीच विविध निवडणुकीच्या माध्यमातून सत्ता तशी उपभोगली परंतु गेल्या पाच वर्षातील आर्थिक आलेख पाहता गद्दारी व खोक्यांमुळे फार मोठा उंचावला असून जळगाव शहरातील सहकाराची शंभर कोटीची जागा केवळ पाच ते सहा कोटीमध्ये पचवल्याचे प्रकरण ताजे आहे. हे सर्व खोक्यांच्या मस्तीवर चालू आहे. सत्तेचा कसा उपभोग करायचा हे खोक्यावाल्याकडून समजून घ्यावे. सहकार विभागाचे उपनिबंधक यांना हाताशी धरून कागदाची फेरफार करून पद्धतशीरपणे शंभर कोटीची जागा पाच ते सहा कोटी मध्ये या गद्दाराच्या पुत्राने पचवली असल्याचे समोर आहे.
विशेष म्हणजे शासनाचे दोन ते तीन कोटी रुपये नजरांना रक्कम देखील सत्तेच्या बळावर भरली नाही. महसूल विभागाला मॅनेज करून ते तीन कोटी रुपये शासनाचे बुडवले आहे. 50 खोके एकदम ओके म्हणजेच शासकीय जमिनीवर यांचा डोळा निर्माण झाला आहे. कासोदा येथील आदिवासींची जमीन देखील अशाच प्रकारे पचवली आहे. एरंडोल चे राजकारण जमिनीच्या भोवती फिरू लागले आहे सत्ता आणि पैसा आला म्हणजे सर्व काही असे समीकरण या मतदारसंघात आता जुळू लागले आहे. जळगाव शहरातील जिल्हा परिषदेपासून हाकेच्या अंतरावर असलेल्या ही जागा पचवल्याचे कागदपत्र उघड झाले तर पंचायत होईल. परंतु सत्ता आणि पैसा असल्यामुळे ते शक्य नाही असे अनेकांचे म्हणणे आहे. एरंडोल शहरात देखील असेच प्रकार सुरू असल्याचे खाजगीत एका कार्यकर्त्याने सांगितले. हे सर्व प्रताप करण्यात मुलगा हा अग्रेसर असून दिवसभर जमिनी हे समीकरण त्यांचे जुळलेले आहे. एरंडोलमध्ये असेच राजकारण सुरू राहिले तर भुसावळ प्रमाणे एरंडोल पारोळा होईल असे चित्र होण्यास वेळ लागणार नाही.
