भुसावळ : प्रतिनिधी
गावठी पिस्तूल घेऊन फिरणाऱ्या संशयिताला बाजारपेठ पोलिसांनी सोमवारी रात्री १२ वाजेच्या सुमारास अटक केली. ही कारवाई पांडुरंग टॉकीजजवळ करण्यात आली.
मिळालेल्या माहितीनुसार, रणजित किशोर चंडाले (वय ३७, वाल्मीकनगर, भुसावळ), असे आरोपीचे नाव आहे. त्याच्याजवळ २५ हजार रुपये किमतीचे गावठी पिस्तूल आणि जिवंत काडतुसे आढळून आली. ही कारवाई बाजारपेठ पोलिस ठाण्याचे पोलिस निरीक्षक गजानन पडघम यांच्या मार्गदर्शनाखाली उपनिरीक्षक मंगेश जाधव, पोहे. कॉ विजय नेरकर, यासीन पिंजारी, महेश – चौधरी, सचिन चौधरी, जावेद शहा,राहुल वानखेडे, भूषण चौधरी यांनी – केली. याप्रकरणी कॉन्स्टेबल राहुल वानखेडे यांच्या फिर्यादीवरून संशयिताविरोधात गुन्हा दाखल करण्यात आला.
