वर्धा : वृत्तसंस्था
देशभरातील अनेक राज्यात पोलीस विभाग अनेक तरुणांना नाशेपासून रोखत असतांना नुकतेच एक खळबळजनक घटना राज्यात उघडकीस आली आहे. अमली पदार्थाची विक्री करणारे नवनवीन शक्कल लढवत असतात. वर्धामधील हिंगणघाट येथे एकाने गांजा या अंमलीपदार्थची झाडे चक्क घराच्या छतावर लावलीत. झाडे लावल्याची माहिती पोलिसांना मिळताच पोलिसांनी याप्रकरणी तरुणाला अटक केलीये. तसेच गांजाची दोन ते अडीच फूट उंचीची ४२ झाडं जप्त केलीत.
हिंगणघाट पोलिसांकडून ही कारवाई करण्यात आली आहे. याप्रकरणी एकास अटक करण्यात आली असून आकीब (३१) रा. जगन्नाथ वॉर्ड हिंगणघाट, असे अटक केलेल्या आरोपीचे नाव आहे. आरोपी आकीब याने घराच्या छतावर गांजा अमली पदार्थाचे हिरवे, ओले अशी दोन ते अडीच फूट उंचीची ४२ झाडे लावली होती. याबाबत पोलिसांना माहिती मिळताच पोलिसांनी आकीबच्या निवासस्थानी छापा मारला. यावेळी ३६९ ग्रॅम वजनाची ४२ झाडे असा ४,५०० रुपयांचा माल जप्त केला. याप्रकरणी पोलिसांनी आरोपीस अटक करुन गुन्हा दाखल केला.
