बॉलिवूड मधून एक धक्कादायक बातमी समोर येतेय. सीआयडी फेम फ्रेड्रिक्स म्हणजे दिनेश फडणीस याचं निधन झालं आहे. सोमवारी म्हणजेच ४ डिसेंबर ला रात्री १२ वाजता त्यांनी अखेरचा श्वास घेतला. त्यांच्या निधनाने कलाविश्वावर शोककळा पसरली आहे.
याबाबत सविस्तर माहिती अशी कि, फ्रेड्रिक्स याला हृदयविकाराचा झटका आला नसून अभिनेत्याचं यकृत निकामं झाल्याची माहिती दया याने दिली होती. त्यामुळे उपचारासाठी त्यांना मुंबईमधील तुंगा रुग्णालयात त्यांच्यावर उपचार सुरु होते. पण सोमवारी उपचारादरम्यान त्यांचा मृत्यू झाला. वयाच्या ५७ व्या वर्षी त्यांनी अखेरचा श्वास घेतला.
त्यांच्या निधनाने त्यांच्या कुटुंबियांवर शोककळा पसरली आहे. त्यांचे चाहतेही त्यांना सोशल मीडियाच्या माध्यमातून दुःख व्यक्त करत आहेत. त्यांनी आजपर्यंत अनेक सिनेमांमध्ये महत्त्वाची भूमिका साकारत चाहत्यांचं मनोरंजन केलं होत.
