भुसावळ : प्रतिनिधी
शहरातील एका परिसरात ३५ वर्षीय तरुण गावठी पिस्तूल घेऊन फिरत असतांना पोलिसांनी त्याच्याकडून गावठी पिस्तूल आणि दोन जिवंत काडतुसे जप्त करण्यात आली आहे. हि घटना भुसावळ शहरातील जामनेर रोड परिसरात घडली असून संशयी आरोपी राहुल रामदास क्षीरसागर (वय ३५) याला देखील पोलिसांनी अटक केली आहे.
मिळालेल्या माहितीनुसार, ही कारवाई मंगळवारी करण्यात आली. आरोपीला पोलिसांनी न्यायालयात हजर केले असता, त्याला दि. १९ पर्यंत पोलिस कोठडी सुनावण्यात आली आहे. ही कारवाई सहायक पोलिस निरीक्षक हरीष भोये, पोलिस उपनिरीक्षक मंगेश जाधव, पोहेकॉ. सुनील जोशी, विजय नेरकर, नीलेश चौधरी, यासीन पिंजारी, महेश चौधरी, रमन सुरळकर, उमाकांत पाटील, प्रशांत चौधरी यांनी केली.
