कारच्या अपघातात एकाचा मृत्यू तर दोघे जखमी !

नाशिक : वृत्तसंस्था

नाशिक जिल्ह्यातील अनेक तालुक्यात बाप्पांची विसर्जन मिरवणूक सुरु असतांना एक भीषण अपघात घडल्याची बातमी समोर आली आहे. सिन्नर-घोटी महामार्गावर सिन्नर तालुक्यातील पांढुर्ली शिवारात कारच्या अपघातात एकाचा मृत्यू तर दोघे गंभीर जखमी झाल्याची घटना घडली आहे.

मिळालेल्या माहितीनुसार, सिन्नर तालुक्यातील गावठा येथील पवन सुनिल भाटजिरे असे मृत तरुणाचे नाव आहे. पवन व त्याचे दोघे मित्र सोपान विष्णू लोंढे व अक्षय राजेंद्र लोंढे हे आपली कार (एम. एच. ४८ बी.एच. ७१९२) ने सिन्नरहून घोटीकडे जात होते. यावेळी पांढुर्ली शिवारातील गीता पेट्रोलपंपाजवळ कार आली असता समोरून येणारी वॅगनार (एम. एच. ०४ एल. क्यू. २४८५) ने ओव्हरटेक करताना त्यांच्या कारला कट मारल्याने कारचा अपघात झाला.