जामनेर : प्रतिनिधी
तालुक्यातील एका गावात राहणार्या ३५ वर्षीय महिलेच्या घरात घुसून विनयभंग करण्यात आला. या प्रकरणी जामनेर पोलीस ठाण्यात तीन जणांविरोधात गुन्हा दाखल करण्यात आला.
पोलिसांनी दिलेल्या माहितीनुसार, जामनेर तालुक्यातील एका गावात ३५ वर्षीय महिला आपल्या परीवारासह वास्तव्याला आहे. २३ एप्रिल रविवार रोजी दुपारी चार वाजता महिला ही घरी असतांना तीन संशयित आरोपी अनधिकृतपणे घरात प्रवेश करीत चापटाबुक्क्यांनी बेदम मारहाण केली तर एकाने महिलेचा हात पकडून तिला लज्जा उत्पन्न होईल, असे कृत्य केले. याप्रकरणी संशयीतांविरोधात जामनेर पोलीस ठाण्यात गुन्हा दाखल करण्यात आला. तपास हवालदार रीयाज शेख करीत आहे.
