वरणगाव : प्रतिनिधी
तालुक्यातील महामार्ग क्रमांक सहावर कपिलवस्तु नगरजवळ भुसावळहुन वरणगावकडे मोटर सायकलने येणार्या युवकास अज्ञात वाहनाने धडक दिल्याने त्याचा मृत्यू झाल्याची घटना २३ गुरुवारी रोजी दुपारी दिड वाजेच्या सुमारास घडली. याबाबत वरणगाव पोलिसात अज्ञात वाहन चालकाविरूद्ध गुन्हा नोंद करण्यात आला आहे.
सविस्तर वृत्त असे कि, कपिल वास्तू नगर जवळ अज्ञात वाहनचालकाने आपल्या ताब्यातील वाहन भरधाव वेगाने चालवित रस्त्याच्या परीस्थीतीकडे दुर्लक्ष करीत मिलींद भागवत राणे (वय 40, रा. होळी मैदान, तळवेल) हा युवक भुसावळ येथुन दुपारी 1.30 वाजेदरम्यान मोटरसायकल क्र. एमएच 19 एल 7171ने घराकडे जात असतांना त्याच्या मोटर सायकलला जोरदार धडक दिली. या अपघातात मिलिंदचा महामार्गावरील दुभाजकाजवळ जागीच मृत्यू झाला. या प्रकरणी मयताचे काका विलास जनार्दन राणे (वय 58) यांनी वरणगाव पोलिस स्टेशनल फिर्याद दिली असून तपास सपोनि आशिष कुमार आडसुळ यांचे मार्गदर्शनाखाली पीएसआय परशुराम दळवी, हेकाँ मुकेश जाधव करीत आहे. मयत मिलिंद राणे हा भुसावळ नगर परीषदेत काँट्रक्टमध्ये पाणीपुरवठा विभागात कामाला होता. त्यांच्या पश्चात आई, वडील, पत्नी, दोन लहान मुले असा परिवार आहे. मिलिंदच्या अपघाती मृत्यूने तळवेळ गावात शोककळा पसरली आहे.
