शिरूर तालुक्यातील अपघातात काळाने कुटुंबावर केला घाला,
पुणे-नगर महामार्गावर शिरूर तालुक्यात येथे भीषण अपघात झालाय यात एकाच कुटुंबातील पाच जण जागीच ठार तर एकजण जखमी झालाय. विरुद्ध दिशेने आलेल्या कंटेनर ने चारचाकी धडक दिली अपघातात मृतांमध्ये तीन लहान मुलांचा समावेश आहे. कुटुंब उद्ध्वस्त झाल्याने परिसरात हळहळ व्यक्त केली जात आहे.
अपघातात सर्व कुटुंबातील अहमदनगर जिल्ह्यातील आवाने बुद्रुक येथील रहिवासी आहेत. अपघातात संजय मस्के(वय-५३)रामा मस्के(वय -४५)राजू मस्के-(वय ०७) हर्षदा मस्के (वय -०४),विशाल मस्के (वय-१६) मृत झाले असून साधना मस्के जखमी झाल्या आहेत. या मृतांमध्ये तीन लहान मुलांचा समावेश आहे. पुणे-अहमदनगर मार्गावर एक ट्र चुकीच्या बाजूने आला. ट्रक अचानक रस्त्याच्या मधे आल्याने कारची ट्रकला जोरदार धडक बसली. अपघात इतका भीषण होता की, कारमधील पाच जण जागीच ठार झाले. या शिवाय कारमधील एक प्रवासी गंभीर जखमी असून त्यावर रुग्णालयात उपचार सुरु आहे. हे सगळे जण पनवेलला जाण्यासाठी निघाले होते अशीही माहिती समोर आली आहे.
