यावल : प्रतिनिधी
किनगाव शिवारात विद्युत तार व केबल वायर चोरीप्रकरणी नाशिक कारागृहातील १० सशंवीतांना यावल पोलिसांनी पुन्हा दोन गुन्ह्यात अटक केली आहे. यासशयितांपैकी यावल न्यायालयात ६ तर भुसावळ न्यायालयात ४ जणांना हजर केले. दोन्ही न्यायालयांनी या सर्व १० जणांना दि. ३ ऑक्टोंबरपर्यंतची पोलिस कोठडी सुनावली.
मिळालेल्या माहितीनुसार, किनगावपासून मालोद जाणारा रस्त्यावर शेत शिवारात विद्युत वितरण कंपनीचे तार चोरी प्रकरणात १० जणांना अटक केली होती. त्यांची पोलिस कोठडी संपल्यानंतर त्यांना नाशिक येथील मध्यवर्ती कारागृहात पाठवण्यात आले होते. दरम्यान बुधवारी रात्री यावल शेत शिवारातुन विद्युत तार चोरी प्रकरणी अनिल शिंदे यांनी यावल पोलिस ठाण्यात दाखल केलेल्या गुन्ह्यात नाशिक कारागृहातुन सुपडू हमजान तडवी, करीम नशीर तडवी, अलाउद्दीन मजीद तडवी, आरिफ युसुफ मन्यार या चौघांना पुन्हा ताब्यात घेण्यात आले. तपास पोलिस निरिक्षक रंगनाथ धारबळे यांच्या मार्गदर्शनाखाली हवालदार अमित तडवी, सुनिल पाटील करीत आहे.
किनगाव प्रकरणात अटक केलेल्या आसिफ जुम्मा तडवी, अफसर अपकबर तडवी, खुदाबक्ष रशीद तडवी, विनोद मेहरबान तडवी, हैदर बशारत बडवी, सलीम भिका तडवी (सर्व रा. मालोद ता. यावल) यांना शिरसाड शिवारात केबल वायर चोरी प्रकरणी नारायण चौधरी यांच्या फिर्यादीवरून दाखल गुन्ह्यात यावल पोलिसांनी कारागृहातून ताब्यात घेतले. तपास यावल पोलिस निरिक्षक रंगनाथ धारबळे यांच्या मार्गदर्शनाखाली सहायक फौजदार अर्जुन सोनवणे, हवालदार रोहिल गणेश करीत आहे.
