जळगाव : प्रतिनिधी
राजस्थानकडून पत्रे घेऊन नागपूरच्या दिशेने जाणाऱ्या कंटेनरचा राष्ट्रीय महामार्ग क्रमांक ५३ वरील फेकरी ते साकरी उड्डाणपुलावर २ सप्टेंबरला दुपारी साडेतीनच्या सुमारास भीषण अपघात झाला. या अपघातात कंटेनरच्या केबिनचा चुराडा होऊन चालक वाहनाच्या पत्र्यामध्ये अडकला. या दुर्घटनेत चालक गंभीर जखमी झाला असून त्याची सुटका करण्यात यश आले आहे. अपघाताची माहिती मिळताच पोलीस उपअधीक्षक प्रवीण दरेकर यांच्यासह पोलिस पथकाने तातडीने घटनास्थळी धाव घेतली.
मिळालेल्या माहितीनुसार, कंटेनरमध्ये चालक अडकल्याचे निदर्शनास आल्यानंतर त्याची सुटका करण्यासाठी तातडीने क्रेन मागवले. क्रेनच्या सहाय्याने कंटेनरचा पत्रा सावधगिरीने उचलून त्यानंतर पोलिस व स्थानिक नागरिकांनी शर्थीचे प्रयत्न करत चालकाला वाहनातन बाहेर काढले. गंभीर जखमी चालकाला स्थानिक नागरिकांच्या मदतीने रुग्णवाहिकेतून तातडीने रुग्णालयात दाखल केले. या अपघातामुळे महामार्गावरील वाहतूक पूर्णपणे विस्कळीत झाली होती. अपघातग्रस्त कंटेनर रस्त्यावर अडकल्याने दोन्ही बाजंना वाहनांच्या लांबच लांब रांगा लागल्या. फेकरी-साकर परिसरात तब्बल दोन किलोमीटरपर्यंत वाहतूक कोंडी झाली होती. दरम्यान परिस्थितीचे गांभीर्य ओळखून पोलिसांनी वाहतूक नियंत्रणाचे काम तातडीने हाती घेतले. अपघातग्रस्त वाहन हटविण्यासाठी प्रयत्न सुरू असतानाच पोलिसांनी वाहनांच ये-जा सुरळीत करण्यासाठी पर्यार्य मार्गाने वाहतूक वळवण्याचे नियोजन केले.
स्थानिक नागरिकांनीही पोलिसांन सहकार्य करत रस्ता मोकळ करण्यासाठी मदत केली. दरम्यान कंटेनरचा अपघात नेमका कोणत्या कारणामुळे झाला, चालकाचे वाहनावरील नियंत्रण सुटल का किंवा अन्य घटक कारणीभूत ठरला याबाबत अद्याप स्पष्टता झालेली नाही. चालकाचे नाव समजले नाही.
