जळगाव : प्रतिनिधी
शहरातील कोल्हे हिल्स परिसरातील भरत नारायण भट (वय २६) व खेडी परिसरातील योगेश कैलास माळी (२०, रा. खेडी बुद्रुक, ता. जळगाव) या दोघांनी वेगवेगळ्या ठिकाणी गळफास घेऊन आत्महत्या केली. ही घटना २४ ऑगस्ट रोजी घडली. याप्रकरणी पोलिसात अकस्मात मृत्यूची नोंद करण्यात आली आहे.
मिळालेल्या माहितीनुसार, शहरातील कोल्हे हिल्स परिसरातील भरत नारायण भट (वय २६) या तरुणाने राहत्या घरात गळफास घेतला. हा प्रकार लक्षात येताच त्याला शासकीय वैद्यकीय महाविद्यालय व रुग्णालयात दाखल केले असता डॉक्टरांनी मृत घोषित केले. दुसऱ्या एका घटनेत योगेश कैलास माळी (वय २०, रा. खेडी बुद्रुक, ता. जळगाव) या तरुणाने गळफास घेतला. त्याला शासकीय वैद्यकीय महाविद्यालय व रुग्णालयात दाखल केले असता डॉक्टरांनी मृत घोषित केले. या प्रकरणी तालुका व एमआयडीसी पोलिस ठाण्यात अकस्मात मृत्यूची नोंद करण्यात आली आहे.
