लाईव्ह महाराष्ट्र न्युज : धरणगाव तालुक्यातील तरडे येथील विकास सोसायटीच्या चेअरमनपदाची निवडणूक नुकतीच पार पडली. या निवडणुकीत रंजनाबाई नंदलाल हिलाल पाटील यांची सर्वानुमते बिनविरोध निवड करण्यात आली.
सोसायटीच्या सभासदांनी एकमताने रंजनाबाई नंदलाल पाटील यांच्या नावाला पसंती दिल्याने चेअरमनपदाची निवडणूक बिनविरोध झाली. त्यांच्या निवडीबद्दल ग्रामस्थ, सोसायटीचे सभासद तसेच विविध क्षेत्रातील मान्यवरांकडून अभिनंदन करण्यात येत आहे.
निवडीनंतर रंजनाबाई नंदलाल पाटील यांनी येणाऱ्या काळात शेतकऱ्यांच्या हिताला प्रथम प्राधान्य देत काम करण्याचा निर्धार व्यक्त केला. विकास सोसायटीच्या माध्यमातून शेतकऱ्यांच्या अडीअडचणी सोडविण्यासाठी प्रयत्न केले जातील. तसेच सोसायटीला अधिक सक्षम आणि प्रगत करण्यासाठी सर्वांना सोबत घेऊन काम करणार असल्याचे त्यांनी सांगितले.
शेतकऱ्यांच्या अडचणींना प्रथम प्राधान्य देऊन त्यांच्या हितासाठी काम करत विकास सोसायटीला पुढे नेण्याचा प्रयत्न राहील, अशी भूमिका त्यांनी व्यक्त केली.
रंजनाबाई नंदलाल पाटील यांच्या बिनविरोध निवडीमुळे तरडे विकास सोसायटीच्या पुढील वाटचालीला नवी दिशा मिळण्याची अपेक्षा व्यक्त केली जात आहे.
