विजय पाटील जळगाव – महापालिका निवडणुकीत शिवसेनेने पुन्हा एकदा आपली संघटनशक्ती आणि रणनीती सिद्ध केली आहे. प्रभावी 19 मधून शिवसेनेच्या उमेदवार रेखा चुडामन पाटील यांची बिनविरोध निवड निश्चित झाली असून स्थानिक राजकारणात हा पक्षासाठी मोठा विजय मानला जात आहे.
या विजयामागे पालकमंत्री गुलाबराव पाटील आणि आमदार चंद्रकांत सोनवणे यांची आखलेली रणनीती महत्त्वाची ठरली आहे. दोन्ही नेत्यांनी स्थानिक पातळीवर कार्यकर्त्यांना एकत्रित ठेवत विरोधकांना मैदानाबाहेर ठेवण्यात यश मिळवले. परिणामी, रेखा पाटील यांच्यासमोर असलेल्या एकमेव अपेक्षा उमेदवाराने अर्ज माघार घेतला मुळे त्यांची बिनविरोध निवड निश्चित झाली.
शिवसेनेने महापालिका निवडणुकीत आतापर्यंत चार उमेदवारांना बिनविरोध विजय मिळवून दिला आहे. या सलग यशामुळे पक्षाच्या कार्यकर्त्यांमध्ये उत्साहाचे वातावरण निर्माण झाले आहे. बिनविरोध निवड ही केवळ उमेदवाराच्या वैयक्तिक प्रभावाचीच नव्हे तर पक्षाच्या संघटनशक्तीची आणि जनतेतील विश्वासाचीही साक्ष देते.
स्थानिक नागरिकांनीही या घडामोडीचे स्वागत केले असून शिवसेनेच्या उमेदवारांवर दाखवलेला विश्वास हा पक्षाच्या जनाधाराला अधिक बळकट करणारा ठरतो आहे. आगामी निवडणुकीत या बिनविरोध विजयांचा परिणाम निश्चितच दिसून येईल, अशी राजकीय वर्तुळातील चर्चा आहे.
शिवसेनेच्या या विजयामुळे विरोधकांमध्ये संभ्रमाचे वातावरण निर्माण झाले असून पक्षाने बिनविरोधाचा धडाका लावल्याने महापालिका निवडणुकीतील पुढील टप्प्यांमध्येही शिवसेनेचा आत्मविश्वास अधिक वाढला आहे.
