जळगाव : प्रतिनिधी
पिंपळगाव हरेश्वर (ता. पाचोरा) येथील सामाजिक कार्यकर्ते शालिग्राम ओंकार मालकर यांची शिवसेनेच्या माळी क्रांती सेनेच्या प्रदेश उपाध्यक्ष तसेच उत्तर महाराष्ट्र अध्यक्ष पदी निवड जाहीर करण्यात आली आहे. माळी समाजासाठी गेल्या २५ वर्षांपासून सातत्याने केलेल्या सामाजिक कार्याची दखल घेत ही निवड करण्यात आली आहे.
शिवसेनेचे कार्यसम्राट आमदार किशोर आप्पा पाटील यांच्या शिफारशीवरून शिवसेनेचे मुख्य नेते व उपमुख्यमंत्री एकनाथराव शिंदे यांनी ही नियुक्ती जाहीर केली. यावेळी माळी क्रांती सेनेचे प्रदेशाध्यक्ष रमेश बारस्कर उपस्थित होते. ठाणे येथे अधिकृत नियुक्तीपत्र देऊन ही निवड जाहीर करण्यात आली.
निवडीनंतर बोलताना शालिग्राम मालकर यांनी सांगितले की, आगामी काळात माळी समाजात जनजागृती करून जास्तीत जास्त समाजबांधवांना वंदनीय बाळासाहेब ठाकरे यांच्या विचारांवर चालणाऱ्या शिवसेनेत सामावून घेण्यासाठी सक्रिय प्रयत्न केले जातील. या निवडीमुळे उत्तर महाराष्ट्रात शिवसेनेच्या संघटनात्मक बांधणीला बळ मिळणार असल्याचे मत व्यक्त करण्यात येत आहे.
