जळगाव : प्रतिनिधी
इलेक्ट्रिक मीटरमध्ये झालेल्या शॉर्टसर्किटमुळे बेडरूममध्ये आग लागल्याने लग्नाचे बस्त्याचे कपड, इलेक्ट्रिक सामान, महत्त्वाचे कागदपत्रांसह संसारोपयोगी सामान जळून खाक झाले. ही घटना रविवार दि. १९ फेब्रुवारी रोजी दुपारी साडेबारा वाजेच्या सुमारास ईश्वर कॉलनीत घडली. याप्रकरणी एमआयडीसी पोलीस ठाण्यात अकस्मात आगीची नोंद करण्यात आली.
सविस्तर वृत्त असे कि, शहरातील ईश्वर कॉलनीत मोहित अनिल नाईक (वय १९) हा तरुण – आपल्या परिवारासह वास्तव्याला आहे. रविवार दि. १६ फेब्रुवारी रोजी दुपारी १२.३० वाजेच्या सुमारास घराच्या मागच्या खोलीत इलेक्ट्रिक मीटरमध्ये शॉर्टसर्किट होऊन आग लागली. या आगीमुळे घरातील संसारोपयोगी वस्तू महत्त्वाची कागदपत्र इलेक्ट्रिक साहित्य या त्याच्या बहिणीच्या लग्नासाठी ठेवलेले बस्त्याचे कापड देखील जळून खाक झाले आहे. या आगीत सुमारे ७० हजार रुपयांचे नुकसान झाले असून याप्रकरणी एमआयडीसी पोलीस ठाण्यात अकस्मात आगीची नोंद करण्यात आली आहे. या घटनेचा पुढील तपास पोलीस नाईक संजीव मोरे करीत आहे.
