जळगाव : प्रतिनिधी
दुचाकीने कंपनीमध्ये कामावर जात असलेल्या यादव तात्या हटकर (३६, रा. तांबापुरा) यांना भरधाव दुचाकीने धडक दिल्यामुळे ते जखमी झाले. हा अपघात ११ नोव्हेंबर रोजी खोटेनगर थांब्याजवळ झाला. याप्रकरणी धडक देणाऱ्या दुचाकी चालकाविरुद्ध १ डिसेंबर रोजी तालुका पोलिस ठाण्यात गुन्हा दाखल करण्यात आला आहे.
मिळालेल्या माहितीनुसार, यादव हटकर हे दुचाकीने (क्र. एमएच १९, एए ४३७७) कंपनीमध्ये कामावर जात होते. त्यावेळी समोरून येणाऱ्या दुचाकीने (क्र. एमएच १९, डीझेड ६११३) हटकर यांच्या दुचाकीला जोरदार धडक दिली. त्यात त्यांच्या दोन्ही हाता-पायाला दुखापत होण्यासह दुचाकीचे नुकसान झाले. उपचार घेतल्यानंतर हटकर यांनी १ डिसेंबर रोजी तालुका पोलिस ठाण्यात फिर्याद दिली. त्यावरून धडक देणाऱ्या दुचाकीचालकाविरुद्ध गुन्हा दाखल करण्यात आला आहे.
