जामनेर : प्रतिनिधी
तालुक्यातील फत्तेपूर येथील राज्य मार्ग क्र. ४४ वर झालेल्या भीषण अपघातामध्ये फत्तेपूर येथून मादणीला निघालेल्या पादचाऱ्याचा मृत्यू झाल्याची घटना २५ रोजी सायंकाळच्या सुमारास घडली.
मिळालेल्या माहितीनुसार, मादणी येथील रहिवासी लालखा उखडू तडवी (वय ४५) हे फत्तेपूर येथून सायंकाळच्या सुमारास मादणीकडे निघाले होते. दरम्यान, शे. मुनीर कुरेशी यांच्या शेताजवळ अज्ञान वाहनाने त्यांना धडक दिली. या भीषण अपघातात त्यांचा जागीच मृत्यू झाला. दरम्यान, या घटनेची माहिती मिळताच स.पो.नि. गणेश फड, पो.उ.नि. आर. के. शेख व पोलीस कर्मचाऱ्यांनी घटनास्थळी धाव घेतली.
