मुक्ताईनगर : प्रतिनिधी
राज्यात विधानसभा निवडणुकीच्या उमेदवाराची अर्जाची वेळ संपली असून जळगाव जिल्ह्यात काही ठिकाणी रोकड जप्त झाल्याच्या देखील कारवाई झाली नुकतेच मध्य प्रदेशच्या सीमेवर असलेल्या आंतरराज्य सीमा तपासणी नाक्यावर पोलिस व परिवहन विभागाच्या संयुक्त कारवाईत चारचाकी वाहनातून चार लाख दहा हजार रुपयांची रोकड जप्त केल्याची घटना सकाळी घडली.
दि. ३० ऑक्टोबर रोजी सकाळी १० वाजेच्या सुमारास सीमा तपासणी नाक्यावर मध्य प्रदेशातून मुक्ताईनगरकडे येणाऱ्या चारचाकी वाहन क्रमांक एम.पी.६८. सी २३७८ ची तपासणी केली असता ही रोकड आढळून आली. कारमधील व्यक्ती कागदपत्रे सादर करू न शकल्याने ही रोकड मुक्ताईनगर पोलिसात जप्त करण्यात आली आहे. ही रोकड मगन जांभळकर (वय ८०) आणि जयेश पंडित चौधरी (वय ३५) रा. आळगाव, मध्य प्रदेश यांच्याकडे आढळून आली आहे.
