जळगाव : प्रतिनिधी
चोपडा विधानसभा मतदारसंघाचे शिवसेना (उबाठा) गटाचे उमेदवार प्रभाकर गोटू सोनवणे यांना आज सकाळी ह्दयविकाराचा तीव्र झटका आला असून त्यांना शहरातील एका खाजगी रुग्णालयात दाखल करण्यात आले असून त्यांच्यावर शस्त्रक्र्रिया देखील करण्यात आली आहे.
मिळालेल्या माहितीनुसार, आज दि. 31 रोजी उमेदवार प्रभाकर सोनवणे हे चोपडा विधानसभा मतदारसंघात प्रचारासाठी जात असतांना तालुक्यातील ममुराबाद येथे त्यांना ह्दयविकाराचा झटका आल्याची माहिती प्राप्त झाली आहे. सोनवणे यांना शहरातील खाजगी रुग्णालयात दाखल करण्यात आले. डॉक्टरांनी सोनवणे यांच्यावर शस्त्रक्रिया केली असून त्यांची तब्येत उत्तम असून ते येत्या चार दिवसात प्रचारासाठी सक्रिय होणार असल्याची माहिती समोर आली आहे.
