जळगाव : प्रतिनिधी
तालुक्यातील शिरसोली येथील इंदिरा नगर परिसरात विषारी औषध प्राशन केलेल्या संभाजी रमेश ढेंगळे (वय ३८) यांचा मृत्यू झाला. ही घटना दि. २४ रोजी रात्री सव्वादहा वाजेच्या सुमारास घडली. याप्रकरणी एमआयडीसी पोलिसात अकस्मात मृत्यूची नोंद करण्यात आली आहे.
मिळालेल्या माहितीनुसार जळगाव तालुक्यातील शिरसोली येथील इंदिरा नगरात संभाजी ढंगळे हे वास्तव्यास होते. त्यांनी गुरुवार दि. २४ ऑक्टोंबर रोजी रात्री सव्वा दहा वाजेच्या सुमारास काहीतरी विषारी औषध प्राशन केले. हा प्रकार त्यांच्या कुटुंबियांच्या लक्षात येताच त्यांनी तात्काळ जिल्हा शासकीय वैद्यकीय महाविद्यालय व रुग्णालयात दाखल केले. याठिकाणी वैद्यकीय अधिकाऱ्यांनी त्यांची तपासणी करीत मयत घोषीत केले. याप्रकरणी एमआयडीसी पोलिसात अकस्मात मृत्यूची नोंद करण्यात आली आहे. पुढील तपास पोहेकॉ संजीव मोरे हे करीत आहे.
