अमळनेर : प्रतिनिधी
घरातील पाण्याच्या टाकीत पडून एका महिलेचा मृत्यू झाल्याची घटना २० रोजी सकाळी वाजण्याच्या ७ सुमारास पटवारी कॉलनीतील ओम शांती केंद्राजवळ घडली.
मिळालेल्या माहितीनुसार, जयश्री सुनील चौधरी (४३) मयत झालेल्या महिलेचे नाव आहे. पहाटे ५ वाजण्याच्या सुमारास त्या घरातील पाण्याची टाकी भरली की नाही, हे पाहण्यासाठी गेल्या असता, त्यांचा पाय घसरून त्या टाकीच्या पाण्यात बुडाल्या. बराच वेळ होऊनही पत्नी अजून घरात का आली नाही, म्हणून त्यांचे पती सुनील चौधरी व त्यांची कन्या शोध घेत असताना, त्यांना जयश्री टाकीत बुडालेल्या दिसल्या. त्यांनी लागलीच त्यांना बाहेर काढून एका खासगी रुग्णालयात दाखल केले. तेथील डॉक्टरांनी तपासून जयश्री यांना मृत घोषित केले. जयश्री यांच्यापश्चात पती, मुलगा, मुलगी असा परिवार आहे
