अमळनेर : प्रतिनिधी
तालुक्यातील पातोंडा येथे सेवानिवृत्त प्राथमिक शिक्षक राजेंद्र रामदास लोहारे (६१) यांनी सावखेडा येथे तापी नदीच्या पुलावरून उडी मारून आत्महत्या केली आहे. त्यांचे भाऊ प्रदीप लोहारे यांना ही माहिती कळताच त्यांनी नदीकाठी शोध सुरू केला. शुक्रवारी सकाळी मुंगसे-दापोरी येथे नदीच्या काठावर त्यांचा मृतदेह आढळून आला.
आजारपणाला कंटाळून आत्महत्या केल्याचे समोर येत आहे. या घटनेची अमळनेर पोलिस ठाण्यात नोंद करण्यात आली. त्यांच्या पार्थिवावर पातोंडा येथे अंत्यसंस्कार करण्यात आले. त्यांच्या पश्चात पत्नी, दोन मुले, भाऊ, बहीण, असा परिवार आहे. ते शिक्षक प्रदीप लोहारे यांचे मोठे बंधू, तर अमळनेर येथील एलआयसी ऑफिसर मयूर लोहारे यांचे वडील होत.
