पाचोरा : प्रतिनिधी
दुचाकींची समोरासमोर धडक होऊन दुचाकीस्वार ठार झाला. ही घटना जळगाव-पाचोरा राष्ट्रीय महामार्गावर हडसननजीक गुरुवारी सायंकाळी सात वाजेच्या सुमारास घडली.
सविस्तर वृत्त असे कि, मृताचे नाव बापू दलपत पाटील (५६) रा. वेरुळी खुर्द, ता. पाचोरा असे आहे. नांद्रा गावाहून वेरुळीकडे बापू पाटील व कृष्णा शिवाजी पाटील (४३) दुचाकीने क्रमांक (एम. एच. १९ सी. एल. ०४३३) येत असताना पाचोऱ्याहून जळगावकडे जाणाऱ्या दुचाकीने क्रमांक (एम. एच. १९ बी. डब्ल्यू ११८५) समोरून जोरदार धडक दिली. या अपघातात बापू पाटील गंभीर जखमी झाले. त्यांनी उपचारासाठी रुग्णालयात दाखल केले. उपचार घेत असताना त्यांचा मृत्यू झाला. याबाबत पाचोरा पोलिसांत कृष्णा शिवाजी पाटील यांच्या फिर्यादीवरून अज्ञात दुचाकीस्वाराविरुद्ध गुन्हा दाखल करण्यात आला आहे. पोलिस तपास करीत आहेत.
