जळगाव : प्रतिनिधी
शहरातील हरिविठ्ठल नगरातील दुर्गोत्सव मंडळातील तरुण मनूदेवी येथून ज्योत घेवून जात होते. त्यांच्यासोबत असलेले ट्रॅक्टर डोणगाव रस्त्यावरील वळाणावरुन उलटले. यामध्ये एक तरुण किरकोळ जखमी झाल्याची घटना गुरुवारी सकाळी साडेनऊ वाजता घडल.
मिळालेल्या माहितीनुसार, सालाबादप्रमाणे जळगाव शहरातील हरिविठ्ठल नगरातील काही तरुण यावल तालुक्यातील मनूदेवी येथे ज्योत घेण्यासाठी आले होते. ज्योत घेवून ते माघारी परतत असतांना भाविकांना घेवून निघालेले ट्रॅक्टर चिंचोली गावापासून काही अंतरावर असलेल्या वळणावर उलटले. चिंचोली येथील प्रगतिशील शेतकरी दिनेश सपकाळे, डोणगाव सरपंच भैय्या पाटील, पोलीस पाटील उमेश पाटील, मनुदेवी संस्थेचे विश्वस्त नितीन पाटील, ग्रामस्थांनी तात्काळ मदतकार्य राबवीत जखमींना खासगी वाहनाने उपचारासाठी रवाना केले. ट्रॅक्टर उलटल्याने वाहनात बसलेले सर्व पंधरा तरूण भाविक सुदैवाने दुर फेकले गेले. त्यामुळे सुदैवाने कोणालाही दुखापत न झाल्याने ते बालंबाल बचावले.
