वरणगाव : प्रतिनिधी
वरणगाव-मुक्ताईनगर महामार्गावर आयुध निर्माणी फाट्यावर मुक्ताईनगर येथील दोघांना गावठी कट्टा, मॅगझिन व दोन जिवंत काडतुसांसह ताब्यात घेण्यात आले आहे. ही कारवाई एपीआय भरत चौधरी यांनी केली.
मिळालेल्या माहितीनुसार, सिद्धार्थ संतोष भालेराव (वय २३, रा. आंबेडकर नगर, मुक्ताईनगर) व अनिरुद्ध कैलास ठाकूर (वय २०, रा.सुराणा नगर मुक्ताईनगर) हे दि. २२ रोजी मुक्ताईनगर रस्त्यावर फिरत असल्याची माहिती चौधरी यांना मिळाली. त्यांनी सापळा रचून दोघांना अटक केली. त्यांच्याकडून पिस्तूल, मॅगझिन आणि दोन जिवंत काडतुसे जप्त करण्यात आली आहेत. एकूण ३४ हजारांचा मुद्देमाल जप्त करण्यात आला आहे. सहायक पोलिस निरीक्षक भरत चौधरी यांच्या मार्गदर्शनात पोलिस उपनिरीक्षक रामदास गांगुर्डे, मनोहर राजाराम पाटील यांनी कारवाई केली. मनोज म्हस्के यांनी फिर्याद दिली. तर पुढील तपास पोलीस उपनिरीक्षक रामदास गांगुर्डे हे करीत आहेत.
