धरणगाव : प्रतिनिधी
तालुक्यातील भवरखेडे येथे मित्रांसोबत विहिरीत पोहायला गेलेल्या तरुणाचा विहिरीत पाण्यात बुडून मृत्यू झाला. ही घटना बुधवारी (दि. १८) दुपारी ३ वाजेच्या सुमारास घडली. निवृत्ती श्यामकांत पाटील (२०) असे मृत तरुणाचे नाव आहे.
मिळालेल्या माहितीनुसार, निवृत्तीने दुपारी सप्ताह कार्यक्रमात जेवण करून ग्रामस्थांना पंगतीत जेवू घातले आणि तेथून तो गावातील पंधरा ते वीस मित्रांसोबत विहिरीत पोहायला गेला. पाण्याच्या खोलीचा अंदाज न आल्यामुळे त्याचा पाण्यात बुडून मृत्यू झाला. तब्बल सहा तासांनी त्याचा मृतदेह बाहेर काढण्यात आला.
