भुसावळ : प्रतिनिधी
शहरातील रेल्वेस्थानकाजवळ मोटारसायकलवर मोबाइलवर बोलत जात असताना एका तरुणाचा हातातील ९ हजार रुपये किमतीचा मोबाइल दोघांनी लांबविला. ही घटना बुधवारी घडली. याप्रकरणी गुरुवारी शहर पोलिस ठाण्यात गुन्हा दाखल करण्यात आला आहे.
मिळालेल्या माहितीनुसार, कंडारी (ता. भुसावळ) येथील नागसेन कॉलनीतील दिनेश हरिदास घोडाम (३८) बुधवारी सकाळी १० वाजता दुचाकीवरून कामावर जात असताना अज्ञात दोन जणांनी त्यांचा रस्ता अडविला व त्यांच्या हातातील ९ हजार रुपये किमतीचा मोबाइल दुचाकीवर आलेल्या दोन जणांनी जबरी हिसकावून पसार झाले. त्यांनी आरडाओरड केली परंतु या संदर्भात कोणतीही माहिती मिळाली नाही. गुरुवारी रात्री ११ वाजता भुसावळ शहर पोलिसात तक्रार देण्यात आली. याप्रकरणी भुसावळ शहर पोलिसात दोन जणांवर गुन्हा दाखल करण्यात आला आहे. तपास सहायक पोलिस निरीक्षक किशोर पवार करीत आहेत.
