वरणगाव : प्रतिनिधी
शिरसाळा मारोती मंदिर येथे नवस फेडण्यासाठी जाणारे चारचाकी माल वाहतुक वाहन हतनूर ते फॅक्टरी मार्गावर पलटी झाल्याने नऊ जण जखमी झाल्याची घटना आज रविवार दि. ७ रोजी सकाळी १० वाजेच्या दरम्यान घडली.
सविस्तर वृत्त असे कि, चोपडा तालुक्यातील आडगाव येथील सुर्यवशी कुंटूबातील मनोज ज्ञानेश्वर सुर्यवंशी याचा एक वर्षीय बालकाचा नवस फेडण्यासाठी शिरसाळा मारोती मंदिर येथे जात होते. आडगाव येथून बोलेरो पीकअप वाहतूक वाहन क्रमाक एम एच १५ एफ व्ही २९०२ मध्ये कुटूंबासह वाहनात नवसाचे साहित्य घेऊन सकाळी ८ वाजेच्या सुमारास निघाले मात्र प्रवासा दरम्यान हतनूर फाटा ते वरणगाव फॅक्टरी मार्गावर एका चहळ उतारा ठिकाणी चालक राजेंद्र पाटील वाहनावरील ताबा सूट ल्यामुळे एका कठड्याला धडक लागून वाहन पलटी झाले.
नवसाच्या कार्यक्र मास जाणाऱ्या भाविकांच्या वाहनाला अपघात झाला असुन यात रविंद्र अमृत न्हावी (वय ६४), मंगलाबाई रविंद्र न्हावी (वय ५५) दोघे रा. चोपडा, हसीका कैलास न्हावी, शोभा ईश्वर न्हावी, अलका न्हावी, मिनाबाई चित्ते, अश्विनी न्हावी, अर्चना पाटील, यश न्हावी हे जखमी झाले आहे.
