जळगाव : प्रतिनिधी
गतीरोधकावरुन दुचाकी उधळून दुभाजकावर आदळल्याने महेश रामभाऊ माळी (वय २५, रा. जाकीर हुसेन कॉलनी, ह. मु. एमआयडीसी) हा तरुण जागीच ठार झाला. तर त्याच्या मागे बसलेला त्याचा मित्र आकाश पाटील हा गंभीर जखमी झाला असून त्याच्यावर खाजगी रुग्णालयात उपचार सुरु आहेत. ही घटना शनिवारी रात्री साडेबारा वाजेच्या सुमारास जळगाव तालुक्यातील सुनसगाजवह घडली. याप्रकरणी नशिराबाद पोलीस ठाण्यात अपघाताची नोंद करण्यात आली आहे.
सविस्तर वृत्त असे कि, शहरातील जाकीर हुसेन कॉलनीत राहणारा महेश रमेश माळी हा आई, वडीलांसह काही वर्षांपुर्वी याठिकाणी वास्तव्यास होता. परंतु काही वर्षांपुर्वीच त्याने कुटुंबियांना एमआयडीसी परिसरात स्थलातंर केले होते. एमआयडीसी पसिरातील एका दाल मिल कंपनीत कामला होता. तर त्याचे आई वडील देखी खासगी कपंनीत कंपनीत वॉचमन आहेत. महेश व त्याचा मित्र आकाश पाटील असे नशिराबादच्या पुढे महेंद्र शोरूम येथे कामानिमित्ताने ये जा करायचे. शनिवारी रात्री महेंद्र शोरूम येथे गेले होते. त्यावेळेला रात्री ११ वाजेच्या सुमारास गतिरोधकावरून त्यांची दुचाकी उधळून नियंत्रणाबाहेर गेली व दुभाजकावर धडकली.
या अपघातात महेश माळी व आकाश पाटील गंभीर जखमी झाले होते. त्यांना रुग्णवाहिकेतून तात्काळ जिल्हा शासकीय वैद्यकीय महाविद्यालय व रुग्णालयात दाखल करण्यात आले. याठिकाणी महेश याची वैद्यकीय अधिकाऱ्यांनी तपासणी करीत मतय घोषीत केले. अपघातात गंभीर जखमी झालेल्या तरुणांना १०८ क्रमांकाच्या रुग्णवाहीकेने रुग्णालयात दाखल केले.
