धरणगाव : प्रतिनिधी
शहरातील जैन गल्लीत धाडसी चोरी झाल्याची घटना घडली असून याप्रकरणी धरणगाव पोलिसात अनोळखी चोरट्याविरोधात गुन्हा दाखल करण्यात आला आहे.
सविस्तर वृत्त असे कि, शहरातील जैन गल्लीतील रहिवासी किशोर गुलाबदास जैन यांच्या घरात दि.१ जुलै सोमवारच्या रात्री जैन गल्लीतील हि धाडसी चोरी करण्यात आली आहे. श्री.किशोर जैन व त्यांचा मुलगा आयुष जैन रात्री झोपले असता चोरांनी मागील बाजूने लहान गल्लीतून वर चढून दार उघडले व आत शिरले. खाली आल्यावर त्यांनी घरातून रु.४५००० रोख व २ तोळ्यांची सोनसाखळी लंपास केली. त्यामुळे जैन गल्लीत भीतीचे वातावरण तयार झाले आहे. या घटनेस्थळी सकाळी जैन समाजाचे अध्यक्ष श्री.राहुल जैन,उपाध्यक्ष श्री.प्रतीक जैन यांनी भेट दिली व पोलीस प्रशासनास कळवून प्रकरणाची माहिती दिली. व लवकरात लवकर तपास करावा व धरणगाव शहरात सतत चोऱ्यांचे प्रमाण वाढले असून रात्री पेट्रोलिंग करावी,अशी मागणी करण्यात आली.
