पारोळा : प्रतिनिधी
तालुक्यातील टेहू शिवारात असलेल्या वाकड्या पुलाजवळ दोन दुचाकींची समोरासमोर धडक झाल्याने त्यात एकाचा जागीच मृत्यू झाला तर दोनजण जखमी झाले. ही घटना सोमवारी सायंकाळी सात वाजेच्या सुमारास घडली.
सविस्तर वृत्त असे कि, पारोळा शहरापासून तीन किमी अंतरावर असलेल्या टेहू शिवारातील वाकड्या पुलाच्या जवळ सोमवारी सायंकाळी ७ वाजेच्या सुमारास श्याम संभाजी पाटील (वय २८, टेहू, ता. पारोळा) हा तरुण दुचाकीने (एमएच१९/एझेड३६७६) येत असताना समोरून भरधाव वेगाने येणाऱ्या दुचाकीवरील एमएच२०/सीएल४६४०) चालक विनोद विठ्ठल महाले (पारोळा) याने जोरदार धडक दिली. त्यात श्याम संभाजी पाटील याचा जागीच मृत्यू झाला.
विनोद महाले व समाधान कैलास अहिरे हे दोघे जखमी झाले. त्यांना लगेच १०८ रुग्णवाहिकेने पारोळा कुटीर रुग्णालयात उपचारार्थ दाखल करण्यात आले. याप्रकरणी मंगळवारी पारोळा पोलिसांत संजय राजाराम पाटील यांनी दिलेल्या फिर्यादीवरून गुन्हा दाखल करण्यात आला आहे.
