भुसावळ : प्रतिनिधी
शहरातील बीपीसी बैंक कॉलनीत महिलेला एसबीआय क्रेडिट कार्ड कस्टमर केअर मधून बोलत असल्याचे सांगून एका अॅपच्या माध्यमातून एकूण २ लाख २९ हजार रुपयांची ऑनलाइन फसवणूक केल्याची घटना ९ जून रोजी दुपारी दीड वाजता घडली होती. भुसावळ शहर पोलिस ठाण्यात अज्ञात मोबाइलधारकावर फसवणुकीचा गुन्हा दाखल करण्यात आला आहे.मिळालेल्या माहितीनुसार, शहरातील बीपीसी बैंक कॉलनी शुभांगी सिद्धेश पाटील (५६) या ९ जून रोजी दुपारी दीड वाजता त्यांना एका मोबाइल नंबरवरून फोन आला. त्यावर त्यांनी सांगितले की, आपण एसबीआय क्रेडिट कार्ड कस्टमर केअर मधून बोलत आहे, तुम्हाला तुमचे परत पैसे मिळण्यासाठी एक अँप पाठवत आहे, ते डाऊनलोड करून त्यात डिटेल भरा असे, सांगितले. त्यावर शुभांगी पाटील यांनी विश्वास ठेवून संपूर्ण माहिती भरली. त्यानंतर काही वेळातच त्यांच्या बँक खात्यातून २ लाख २९ हजार रुपये काढून त्यांची ऑनलाइन फसवणूक केली. याबाबत चौकशी अंती गुरुवारी भुसावळ शहर पोलिसात गुन्हा दाखल केला आहे.
