भुसावळ : प्रतिनिधी
शहरातील पुरुषोत्तम नगरातील चैतन्य अपार्टमेंट येथील महिलेच्या बंद घराचा कडीकोयंडा तोडून घरातील चांदीच्या वस्तू आणि रोकड असा एकूण २४ हजार रुपये किमतीचा मुद्देमाल अज्ञात चोरट्यांनी चोरून नेल्याची घटना ३ मे रोजी दुपारी २ वाजता उघडकीस आली.
सविस्तर वृत्त असे कि, याप्रकरणी शनिवारी ११ मे रोजी दुपारी १ वाजता भुसावळ बाजार पेठ पोलिस ठाण्यात अज्ञात चोरट्यांविरोधात गुन्हा दाखल करण्यात आला आहे. सुजाता श्रीकांत मंत्री (वय ५५) या ३ मे रोजी सकाळी १० वाजता कामाच्या निमित्ताने घराला कुलूप लावून बाहेरगावी गेले होते. त्यावेळी महिलेचे घर बंद असताना अज्ञात चोरट्याने २४ हजार रुपये किमतीचा मुद्देमाल चोरून नेला. हा प्रकार दुपारी २ वाजता उघडकीला आला. याप्रकरणी महिलेने पोलिस ठाण्यात धाव घेऊन तक्रार दिली. त्यानुसार शनिवारी ११ मे रोजी दुपारी १ वाजता भुसावळ बाजारपेठ पोलिस ठाण्यात अज्ञात चोरट्यांविरोधात गुन्हा दाखल करण्यात आला आहे. पुढील तपास पोहेकॉ यासीन सत्तार हे करीत आहे.
